8 Teäter
Teater, keunst en kultuer hawwe in wichtich plak yn de Fryske mienskip. Yn de haadstêd fan Fryslân, Ljouwert, fiert it profesjonele meartalige teaterselskip Tryater sûnt 1965 meartalige teaterfoarstellingen op. Dêrnjonken hawwe in soad lytsere Fryske doarpen har eigen teäterselskippen. De hiele simmer binne der iepenloftspullen yn de provinsje Fryslân, spile troch amateur-en profesjonele akteurs, lykas it iepenloftspul yn it doarp Jorwert yn septimber 2023.
De webside Visit Friesland hat in kontinu bywurke list fan teaterspullen yn Fryslân, ynklusyf foarstellingen yn it Frysk.
Links: Staf Fryslân (Stichting Amateurtoaniel Fryslân) StUFT (Stichting Utjouwerij Frysk Toaniel), Frisian cabaret Hymphamp
Interessant om te witten is dat subsydzjes oanfrege wurde kinne by de provinsje, sawol foar it skriuwen fan nije Frysktalige toanielstikken as foar it oersetten fan toanielstikken nei it Frysk. Mar de mooglikheden foar subsydzjes geane fierder as toanielstikken en biede ek in soad kânsen foar literatuer. Mear oer finansieringsmooglikheden yn haadstik 4.
FeRstival
FeRstival is in foardrachtwedstriid dy 't sûnt 1942 hâlden wurdt.
De edysje fan novimber 2023 markearret de 80e FeRstival!
By FeRstival drage learlingen in Frysk gedicht sa moai mooglik foar. Alle jierren nimme sawat 90 middelbere skoalbern diel en folgje se yn de fuotspoaren fan ferneamde Nederlânske skriuwers, dichters en akteurs dy 't ek harren earste besykjen op it poadium diene by FeRstival. It boekje Fersefariaasje befettet de gedichten dêr 't de learlingen út kieze kinne.
Learlingen kinne dielnimme yn trije kategoryen: jier 1 (Starters), jier 2 en 3 (Trochsetters), en jier 4 en heger (Toppers), ynklusyf studinten fan it middelber beropsûnderwiis (mbo) en heger ûnderwiis (hbo). De winners fan de foarrondes drage nochris foar yn de finale. Der binne prizen yn alle kategoryen foar it 1e, 2e en 3e plak. De winners fan it earste plak krije in ekstra priis - in profesjoneel produsearre fideo dêr 't se harren keazen gedicht yn foardrage.
Besjoch hjirûnder de fideo fan de winneres fan 2022, Marrit Boetje.
