Om in goede lûdsopname te meitsjen, moatte je selsfersekere en goed taret wêze. Oars as fotografy of fideo, dêr’t it brûken fan in high-end kamera soarget foar in hegere byldkwaliteit, soarget it hawwen fan de bêste mikrofoan op de merk allinnich foar in hegere lûdskwaliteit as dy op de goede wize brûkt wurdt. Dêrom wurdt yn dit artikel de measte tiid en oandacht bestege oan de tarieding. 

 

Opneamd: Foardatst begjinst mei it sammeljen fan auditive data, riede wy dy oan de aktiviteit “Datasamling: Plan van Aanpak” troch te lêzen. 

 

UTRISSING

Der is in breed skala oan audio-opnameapparatuer beskikber op de merk. Tsjintwurdich hat elkenien tagong ta profesjonele mikrofoans en rekôrders en se wurde hieltyd makliker yn gebrûk. Wy riede dy oan om soarchfâldich te budzjettearjen en dyn apparatuer stadich op te bouwen wylst men leart. 

 

Hjir yntrodusearje wy foarbylden fan trije opstellingen dy’t yn de feilige omjouwing fan it klasselokaal of bûtendoar brûkt wurde kinne en dy’t oan ûnderskate behoeften foldogge. (Kinst de Wurdlist Apparatuer rieplachtsje foar mear technyske ynformaasje). 

 

Opsje 1: Basisopstelling 

Smartphone + mini ` shotgun ‘- mikrofoan + statyf + geheugenkaarten 

Foardielen: 

Foardielichste en lichtste opsje. 

 

Selde opstelling as de basis foar fideo-opnameapparatuer (sjoch Datasamling: Audiovisuele Data) 

Minpunten: 

Goedkeape kompakte mikrofoans hawwe harren beheiningen en de kwaliteit sil net folslein profesjoneel wêze, foaral bûtendoarren. 

 

Fereaske tige soarchfâldich gegevensbehear omdat auditive data fermongen reitsje kinne mei persoanlike data. 

 

Opsje 2: Middenmarkt-opstelling 

Fjildrecorder + grutte ` shotgun’ – mikrofoan + statyf + geheugenkaarten + batterijen 

Foardielen: 

De bêste opsje foar lytse audiokolleksjeprojekten mei bûtenopnamen. 

 

De kwaliteit fan de opname dy’tst makkest mei in middelgrutte mikrofoan is al merkber better as mei in smartphone. 

 

Minpunten: 

It brûken fan in recorder hat in steilere learkurve as in smartphone en it mislearjen of meitsjen fan minne opnamen yn it begjin is hiel gewoan. 

 

Gruttere ` kondinsator ‘- mikrofoans wurkje meastal op batterijen, dus do moatst in foarrútsje oanlizze. 

 

Opsje 3: Semi-profesjonele opstelling 

Geavansearre recorder + ` shot gun’ – mikrofoan + omnidireksjonele mikrofoan + ` dead cats ‘ (sêfte covers foar mikrofoans) + kabels + geheugenkaarten 

Foardielen: 

Bêste opsje foar gruttere audio-opnameprojekten (bgl. podcasts, muzyk, ensfh.) 

Ast foar elke situaasje de goede mikrofoan en assessoires kieze kinst, kinst sawol binnen as bûten perfekte opnamen meitsje. 

 

Minpunten: 

Om dyn apparatuer kennen te learen, moatst in pear oeren oefenje. 

 

Heechweardige mikrofoans moatte mei soarch behannele wurde. 

 

Grutste ynvestearring foarôf. 

 

Unachte de apparatuer dy’tst kiest, riede we dy sterk oan om tiid te besteegjen oan it fertroud reitsjen mei de mikrofoans, it lêzen fan de hantliedingen en it meitsjen fan in pear testopnames. Dit besparrest tiid ast klear bist om dyn eigentlike data op te nimmen. 

 

TARIEDING – FOAR DE OPNAME (15 minuten) 

Op dit punt witte je wat je opnimme wolle (sjoch Datasamling: Plan van Aanpak), en ha je apparatuer oanskaft en leare te brûken. Soargje derfoar datst dizze stappen folgest foardatst op de opnameknop drukst: 

Binnen 

Set dyn mikrofoan en / of opnameapparaat op in statyf dy’t nei de minsken wiist dy’tst opnimme wolst en op syn minst 30 sm fan harren ôf is. 

 

Fierderoan opnamen yn keamers mei in soad ruten of glêde egale muorren om dy opname te beskermjen tsjin net-winske echo. Kinst dyn mikrofoans foar gerdinen, kleanrekken, boekekasten, planten of kessens pleatse om echo ta in minimum te beheinen. 

 

Set elektryske apparaten yn de romte út, lykas airconditioning of projektoaren, en freegje minsken yn de romte om harren mobile telefoans op stil te setten. 

 

Meitsje in testopname en harkje der goed nei. Ast net tefreden bist mei de kwaliteit, kom dan oer om de posysje fan dyn mikrofoan te feroarjen of de boarne fan net-winske rús oan te pakken. (Ast in fieldrecorder brûkst, slút dan dyn haadtelefoan oan en harkje hjir trochhinne) 

Bûten 

Hâld de mikrofoan of it opnameapparaat net yn de hân. Ast gjin mikrofoanstandert hast, sykje dan in feilich plat oerflak om de mikrofoan rêste te litten. 

 

Beoardielje oft der lûdsboarnen efter de mikrofoans binne. Je wolle je mikrofoan bygelyks net rjochtsje op ferkear, streamend wetter, in knapperjend hurdfjoer of bisten. Ast dizze lûden net oanpakke kinst, posisjonearje dysels dan sa datst der net op rjochte stiest. 

 

Brûk assessoires lykas sêfte covers en elastykjes om dyn apparatuer te beskermjen tsjin wyn en trillingen. Stel dyn apparatuer net bleat oan rein. 

 

Meitsje in testopname en harkje der goed nei. Ast net tefreden bist mei de kwaliteit, kom dan oer om de posysje fan dyn mikrofoan te feroarjen of de boarne fan net-winske rús oan te pakken. (Ast in fieldrecorder brûkst, slút dan dyn haadtelefoan oan en harkje hjir trochhinne) 

 

OPNIMME (fariabele tiidsbesteging) 

No bist klear om op de opnameknop te drukken. Feitliken hast it measte swiere wurk al dien. Kinst koarte sinnen of lange ferhalen en dialogen opnimme, dus de tiid dy’tst oan dit ûnderdiel bestegest is hielendal oan dy. Dit binne inkelde tips om te ûnthâlden ûnder it opnimmen: 

Koarte opnamen (oant ien minút) 

Lit skoft tusken de parten en druk net te fluch op’e stopknop. Op dy wize snij je net by fersin stikken fuort. 

 

Hantearje de apparatuer net, typ net en sko net mei dyn notysjes yn’e buert fan de mikrofoan. 

 

Hâld de oare persoan belutsen by it opnameproses om ferfeling en ûnnedich haasten foar te kommen. 

 

Lange opnamen (langer as in minút) 

Bliuw bewust fan dysels en dyn apparatuer. Kontrolearje geregeld oft de apparaten goed wurkje en oft de opname net opholden is. 

 

Sjoch nei de rintiid yn it opnameapparaat en meitsje oantekeningen fan nijsgjirrige dielen, sadatst dêrnei ferwize kinst. 

 

Hantearje de apparatuer net, typ net en sko net mei dyn notysjes yn’e buert fan de mikrofoan. 

 

Jou de oare persoan skoft as se dy nedich hawwe troch de pauzeknop yn it opnameapparaat te brûken. 

 

WRAP-UP EN EVALUAASJE (15 minuten) 

Ast safier kommen bist, betsjut dit datst no dyn auditive data sammele hast. Der binne lykwols trije essinsjele stappen dy’tst folgje moatst dy’t in wrâld fan ferskil meitsje sille by it brûken en dielen fan dyn opnamen yn de takomst. 

 

Keapjearje je opnamen nei in feilige lokaasje yn de cloud. 

 

Werneamst bestannen op in wize dy’tst helpst om de datum en lokaasje fan de opname en de nammen fan de minsken dy’tst opnommen hast te ûnthâlden. 

 

Meitsje dyn geheugenkaart skjin sadatst dy opnij brûke kinst en dyn orizjinele databestannen net trochinoar reitsje. 

 

En as lêste, mar dêrom net minder belangryk, riede wy dy sterk oan om in pear minuten te besteegjen oan it opnij beharkjen fan dyn opnamen en dysels te evaluearjen. Is it lûd dúdlik genôch? Is it te hurd of te sêft? Hoe kinne je de folgjende kear dat je in opname meitsje yn dy romte ferbetteringen oanbringe? Hoe faker ast dit dochst, hoe fertrouder ast wurdst mei dyn apparatuer en hoe mear oftst eksperimintearje kinst.